الأربعاء، 14 أغسطس 2013

طمنيني عليكي

لما اتصلت بتيتة من شوية كان صوتها متعب بفتح العين وكسرها، لكنها كانت ممتنة
يمكن تكوني اطمنتي شوية زي ما قلتي، لكن أنا مش مطمنة يا تيتة
قلق وقرف وخوف وحصار ... كل الحاجات الحلوة متحاصرة وأنا حرة 
مش عارفة أروح لكل اللي يهموني أقولهم حاجة متبقاش مبتذلة أوي
كل الحاجات اللي ممكن تتقال مبتذلة
انت كويس؟ انتي كويسة؟
خلي بالك من نفسك!
معلش!
طمني عليك!
أنا خايفة!
قلبي بيوجعني!
انتو موجودين؟ طيب، كويس! أنا كمان!
أي كلام هيكون مبتذل
وحتى إبداء الإعجاب أو عدم الإعجاب بآلاف المنشورات على مواقع "التواصل" شيء سخيف
مش عايزة حد بحبه يموت وميتعرفش القاتل، وحواليه حد وحد وحد ... كل حد منهم مؤمن بإن الحد التاني هو القاتل
مش عايزة حد بحبه يموت بنية الشهادة، ولا يتقال عليه شهيد، ولا تتقال الكلمة دي تاني أبدًا
مفيش شهداء .. فيه قتل .. فيه دم .. فيه حزن
وفيه حد دايمًا قاعد بيضحك قدام الشاشة والممثلين مش شايفين وشه

هناك 4 تعليقات:

  1. آه يا لبنى قلتي اللي جوايا .. الوجع والدموع والخوف بقوا أسياد الموقف ولا حل !!!

    ردحذف
  2. ربنا يرحمنا ,ويسترها يارب ويفرغ همنا اللهم امين

    ردحذف
  3. وكيف حب بدون شهادة، أسمى درجات الحب أنت تفنى ذاتك قى من تحب، أريد أن أصل لهذه الدرجة

    ردحذف
  4. قلتي اللي جوايا.. ربنا يسترها ويسلّم..

    ردحذف